ඉතින් දැන්වත් නතරවීයන්....

 

ගියපු බව ඇය දන්නේ නැතුවද
තාම මේ මල් පිපෙන්නේ
ඉතින් පරවී බිමට වැටියන්
කුමටද ඈ නැතුව මා ලඟ
දැනී ඇයගෙ සුවඳ විතරක්

ගියපු බව ඇය දන්නේ නැතුවද
තාම මේ තරු දිලෙන්නේ
ඉතින් තරු එලි නිවී පලයන්
කුමකටද ඈ නැතුව මා ලඟ
ඇගේ දෙනෙතේ එලිය විතරක්

ගියපු බව ඇය දන්නේ නැතුවද
තාම විහඟුන් ගයන්නේ
ඉතින් විහඟුන් ගොලුව ගියදෙන්
කුමකටද ඈ නතුව මා ලඟ
ඇසී ඇයගේ වදන් විතරක්

ගියපු බව ඇය දන්නේ නැතිවද
තාම හදවත ගැහෙන්නේ
ඉතින් දැන්වත් නතරවීයන්
කුමකටද ඈ නැතුව මා ලඟ
හුස්ම වැටෙනා දිවිය විතරක්

Image : 3.bp.blogspot.com/